البروتين

السلام عليكم
البروتين 

البروتين من اهم العناصر الغذائية التي يحتاجها الجسم

فالبروتين يمد الجسم بالطاقة ويبني العضلات 

لكن كثرتة ايضا تضر الجسم فالاعتدال فكل شئ واجب

وبالنسبة للدايت البروتين المناسب هو الذي فيه دهون قليلة 

وهو البروتين الابيض مثل

 صدور الدجاج والرومي 

و البيض ( البياض افضل لانه قليل الدهون عن الصفار)

و المشروم

يجب تقليل البروتين الاحمر فهو عالي السعرات عن الابيض

 مثل اوراك الدجاج و الرومي والبط والحمام واللحم 

وطبعا فيه البروتين النباتي اللي في البقوليات

 ودي دهون قليلة لكن عاليه الكاربوهيدرات يجب اكلها لكن بكميات قليلة وبدون نشويات معها

و فيه بروتين في اللبن والجبن والزبادي يجب علينا ان نختار الخاليه الدسم 

ومن الاجبان الجبن القريش

والبروتين موجود ايضا في الخضروات والفاكهه والمكسرات لكن بنسب متفاوته

والاعتدال في الاكل صحة

اتمنى لكم صحة افضل

اجتهادي الشخصي
تحياتي

توست اسمر صحي جدا

السلام عليكم و رحمة الله وبركاته

طريقة عمل توست بالدقيق الاسمر اللي هو دقيق القمح الكامل

اولا المقادير

350 جرام دقيق او على حسب حجم القالب

معلقتين طعام عسل اسود و ممكن عسل نحل

معلقتين طعام زيت ويفضل زيت زتون

خميرة

رشه ملح

ماء دافي للعجن

الطريقه

هنضيف رشه الملح على الدقيق و نقلب

نضيف الزيت و نقلب كويس

نضيف الخميرة

نحط شويه من الماء الدافي على العسل الاسود عشان يدوب ونضيفه

نضيف الماء تدريجاً حتى تتماسك العجينه بس تكون لينه مش ناشفه

هنغطيها ونسيبها ساعه تخمر

بعد ساعه تقريباً هتكون كدة

الخطوة دي اختياريه

هنفرد العجينه تاني ونضيف ليها البذور اللي عايزنها

انا ضفت بذور الكتان و حبة البركه

بعدين هنقفل عليها كدة

والناحيه التانيه كمان

ندهن قالب التوست بزيت او نحط ورق زبدة و نحط العجين في القالب و نظبطها كويس فيه و نضيف على الوش بردو بذور و نضغط عليها بالراحة عشان تلزق في العجينه

نغطيها تاني ونسيبها تخمر ساعه هتعلى تاني

ندخلها الفرن و يكون شغال قبلها بربع ساعه على درجة حرارة عاليه مدة نص ساعه تقريباً الى ساعة الى ربع

دة بعد ما استوى

اول ما يطلع نرش عليه رشه ماء خفيفة جداً و نغطيه بفوطة نضيفة لحد ما يبرد خالص بعدين نقطعه

بيكون مقرمش من برة و هش من جوة

ممكن يقعد يومين برة التلاجة و خمس ايام في التلاجة و ممكن يتحط في الفريزة

و بالهنا والشفا


من مطبخي
تحياتي

اسهل واسرع خبز صحي

السلام عليكم
هعمل معاكم النهاردة اسهل واسرع عيش صحي

المقادير
للاكله الواحدة لفرد واحد
50 جرام دقيق اسمر( دقيق القمح الكامل) 
رشه ملح
ماء للعجن( ميا عادية من الحنفية او دافية مش هتفرق) 

الطريقة
هنضيف رشه الملح على الدقيق ونقلب
نضيف الماء تدريجياً لحد ما تبقى عجينة متماسكه
هنسيبها ترتاح خمس دقايق بعدين نقسمها نصين

نرش شوية دقيق ونفرد عليها قطعة عجين بالنشابه كويس

و يكون سمكها رقبق كدة

بس كدة
هنسويه ازاي
هنحط طاسه او صينية على النار بدون اي دهون لحد ما تسخن
هنحط الرغيف في الطاسة ثواني لحد ما نلاقي الرغيف بقى متماسك و بقى يتحرك في الطاسه تقلبيه ونفس الطريقة نعمل التاني
وهيبقى كدة

يتاكل على طول سخن
لو هيتشال يبقى يتلف في فوطة على طول وهو سخن لحد ما يبرد خالص بعدين يتحط في كيس بلاستيك
ممكن يتحط في التلاجة والفريزر
ويتسخن في طاسه بردو على النار 

ملحوظة

ممكن يتسوى على خفيف اقل من اللي في الصورة ويبقى زي العيش التورتيلا ويتعمل فيه شاورما 


وبالهنا والشفا

من مطبخي
تحياتي

كريب صحي

السلام عليكم

انا بعمل رجيم من كام شهر

بس مش حارمه نفسي من حاجه ومدلعاها على الاخر

فعملت كريب دايت طبعا وكان روووووعه

هقولكم على الطريقه 

عيش الكريب نفسه عملته من الدقيق الاسمر اللي هو دقيق القمح الكامل

50 جرام دقيق 

رشه ملح 

بيضه

نص كوب لبن

نص كوب ماء

هنضرب البيضه مع رشه الملح ونحط الدقيق ونضيف اللبن و نقلب

بعدين نضيف الميا بالتدريج

هيتقلب لحد ما يبقى القوام سائل لكن تقيل شويه زي كدة

هنجيب طاسه او صينيه مدهونه زيت قليل اوي ونسخنها

هناخد نص الكميه او لو الكميه كبيرة هناخد مقدار كبشه المطبخ ونحطها في الطاسه و نفردها براحه لحد ما تشكل قرص جوة الطاسه وبيكون رقيق

يدوب نلاقي العجين لونه غير نقلبيه الناحيه التانيه

دة شكله

و دة سمكه

و دة بعد ما عملت الكريب بالحشوة

دة شاورما فراخ و طبعا دايت

قطع الشاورما متبله بتتبيله الشاورما

تتشوح في طاسه من غير اي دهون ونحط عليها فلفل اخضر وبصل و طماطم لحد ما تستوي وبس كدة

نحطها في الكريب و شويه موزريلا و زتون و نلفه

و دة بسطرمه و موزريلا

بس كدة وبالهنا والشفا


من مطبخي
تحياتي

الطعام .. الشراب لحياة افضل

السلام عليكم و رحمة الله و بركاته

اهلا بيكم اخوتي الكرام

هتكلم النهاردة ان شاء الله في سلسلة دايت & لايت عن

الطعام .. الشراب

اولا الطعام

يمكننا تناول كل شئ واي شئ نشتهيه بلا حرمان لان كل ممنوع مرغوب

لكن يجب مراعاة نقطتين

1-طريقة اعداد الطعام

علينا استبدال الطريقة الغير صحية بطريقه طهو صحية

يمكن استبدال المقليات بالمشويات او الطهو في الفرن

استبدال المسبكات المليئه بالدهون بالطهو بالبخار او بطريقة الني في ني

استبدال الحلويات بالفواكه

استبدال الوجبات الصغيرة بين الوجبات الاساسية بالخصراوات

استبدال الدقيق الابيض بالاسمر لصنع المخبوزات 

والارز بالارز الاسمر ويسمى ايضا البني او الارز البسمتي

ادخال الطعام ذات الياف عالية مثل الشوفان والبليله والدقيق الاسمر و يسمى ايضا دقيق القمح الكامل

الامر مش صعب بس محتاج نظام 

2- كمية الطعام

كل فرد منا يحتاج عدد معين من السعرات الحرارية كل على حسب وزنه و مجهوده اليومي

و الاكثار من السعرات تزيد في الوزن

فتقليل كميه الطعام مع طريقة الطهي الصحية عاملان مهمان في انقاص الوزن

وهذا ما نريد

التقليل في الكمية من الافضل ان يكون تدريجيا لتتعود المعدة على الكميات القليله تدريجيا

و تنكمش فبعد فترة عند تناول كمية صغيرة سنشعر بالشبع سريعا

ثانيا الشراب

اهم شئ واكثر شئ يساعد على تخفيض الوزن هو

الماء

يجب الاكثار من شرب الماء 

يعني نشرب الماء بشراهه في كل وقت

لا نترك زجاجه الماء بعيدة عنا

 فهي العنصر الاهم في انقاص و تنظيف الجسم من السموم

استبدال المشروبات الضارة كالمشروبات الغازيه بالمشروبات المفيدة

الاقلال من الشاي و القهوة لتخفيض السكريات وشرب المشروبات الحارقة

اجتهادي الشخصي
تحياتي

نصائح عامة لنجاح الدايت

السلام عليكم و رحمة الله و بركاته

اول توبيك في سلسلة
دايت& لايت لحياة افضل
وان شاء الله هيكون نصائح عامة بسيطة لكنها مهمة في اي نظام صحي

اولا
اي نظام صحي يقوم على 
طعام - شراب - حركة 
مع عادات سليمة صحية
وهنتكلم عن كل عنصر في توبيك خاص ان شاء الله

النصائح

1- اهم شئ الماء قال الله تعالى وجعلنا من الماء كل شئ حي
فيجب شرب ماء بكثرة خلال اليوم على الاقل 2 لتر فأكثر
فالماء يزيد عملية الحرق بالاضافة الى انه يطرد السموم من الجسم و يُحسن البشرة والشعر

2- عدم الحرمان من الطعام لكن نغير طريقة الطهو لنجعله طعام صحي (وان شاء الله هنشر وصفات طبخ صحي ) 

3- استبدال المشروبات المضرة و المليئة بالسعرات الى مشروبات مفيدة للجسم والصحة

4- ممارسة تمارين رياضية او المشي على الاقل ثلاث مرات في الاسبوع او الحركة ولو في البيت مثل التنظيف ولا يجب الجلوس لفترات طويلة

5- تجنب الاكل امام التليفزيون او ممارسة اي شئ اثناء تناول الطعام ويجب التركيز في الاكل و تناوله على مهل لان اشارة الشبع تصل للمخ بعد 20 دقيقة من تناول الطعام

6- عدم الاستعجال في نتائج الرجيم وعدم استعمال الميزان يوميا او اسبوعيا مرة كل شهر تكفي
فالنتيجة تظهر في الشكل الخارجي لان ممكن الكتلة العضليه تزيد والدهون تقل ومش هيظهر على الميزان هتحبطي و تتركي النظام

7- الاكثار من الخضروات والفاكهة والبروتين والمتوسط من الكيبوهيدرات لانها تعطي الطاقة للجسم والاقلال من الدهون او انعدامها فتكفي الدهون الخفيه التي تكون في البروتين

8- عدم اتباع الانظمة الكيميائية لانها تضر الجسم وتزيده بعد ترك النظام اكثر

9- استبدال السكر العادي لسكر دايت مع التأكد ان السكر الدايت خالي من مادة تسمى الاسبرتام

10- التقليل من الملح لانه يحبس الماء في الجسم فيزيد الوزن 


هذه بعض النصائح الهامة و البسيطة التي يجب اتباعها عند اتباع اي نظام صحي

تحياتي

( اجتهادي الشخصي )

دايت& لايت لحياه افضل

السلام عليكم و رحمة الله و بركاته

اهلا بكم زوار مدونتي الكرام

كل واحد فينا بيحلم بالرشاقة واللياقه البدنيه 

لكن مع اكلنا المصري الاصيل وعادات خاطئة اتعودنا عليها

اصبح الحلم دة صعب الى حد ما

معاكم هنا ان شاء الله ممكن نوصل للحلم دة

بس اهم شئ الاراده

ان شاء الله هعمل معاكم سلسلة نصائح فعاله للدايت

و الاهم وصفات مأكولات لايت

وطبعا كل حاجه هطرحها هتكون مجربة او تحت التجربه 

انا ماشية علي رجيم و وصفات اكل بعملها بقالي اكتر من سنه متتخضوش وتقولوا هنعمل رجيم سنين
هو اصلا بقي نظام حياه مش دايت والحمد لله نزلت43 كيلو وبراحتي من غير ضغط ولا حرمان ولا اكتئاب

فـ اللي حابب ينزل و زنه او حتى يغير عاداته السيئه في الاكل
يتابع معايا سلسة

دايت& لايت لحياه افضل
اجتهادي الشخصي
تحياتي

يا من تسكنني

يا من تسكنني

لقد تحطم فؤادي يا فؤادي

 وقد جرحت قلبي يا من تسكنه

 وأجريت مدمعي يا نور العين

 فلا أريد رؤيتك أبدًا

 لا  الآن ولا بعد حين

 ولن اطلب منك هذا مدى حياتي

 ولن تراني حتى مماتي

تريد أن تسمع أعذب الأشعار

 وكيف لي أن اكتب أعذب الأشعار

 وقد تحطمت منّى الكلمات

 وتمزقت كل الحروف

 وقذفت بكل دفاتري في البحار

 فقد تناثر فؤادي مع الريح

 ولم يعد بعد داخلي شيء

الطفولة البريئة

الطفولة البريئة

قارب العمر على الإنتهاء

والقلب مازال يشتاق

 لتلك العيون البريئه والضحكات الرقيقة

والقلب الدافئ والعقل الصافي

أشتاق دوماً لطفولتي الخجولة

فقد نمت الزهرة سريعاً

وما أستطاعت أن تحيا تلك الأيام

الأفضل في الحياة

فحنيني لتلك الأيام دائماً يجرفني

فلم أشاهد مطلقاً دماءً على الطرقات

أو سماع دوي الرصاصات

لم يوجد شد وجذب بين الأطراف حتى تمزقت

أو إنتهاك أبداً للأعراض

فتلك الأيام تُغتال فيها حتى الطفوله البريئه

القلوب كساها الكُره فقط

وليس للحب مكان فيها

العقول تشوهت

وما عادت هناك عقول منيرة إلا القليل منها

فما هذه الحياة التي نحياها

فهذه ليست أبداً بحياة

إنها غابات نتصارع فيها

كلٌ لما يبغي

وأنا لا أستطيع التأقلم في تلك الغابات

فإني أشتاق لأرض بها بشر أحيا بينهم

فقلبي ينهشه الحنين للرجوع إلى الماضي

ليحيا دوماً تلك البراءه التي انقرضت

والسلام و الراحة التي اندثرت

فازات صغيرة

السلام عليكم و رحمة الله و بركاته

مجسمات صغيرة لفازات

ممكن للنيش او زينه للتسريحه والاركان الصغيرة

مصنوعة من انواع خرز مختلفة

السعر حسب المقاس و نوع الخرز

صندوق من الخرز

السلام عليكم

عملت صندوق من الخرز

ممكن لحفظ اكسسوارات او ممكن يكون حصالة
بيتقفل بقفل ومصنوع من الخرز السداسي
ممكن يتعمل بالوان تانية اكيد
سعر الصندوق 75 جنية مصري

اسيبكم مع الصور
من الامام

من الجنب

من فوق

لما نفتح الباب هنلاقي باب تاني صغير ودة لزياده الحماية

بعد فتح الباب التاني

شنط اطفال

السلام عليكم ورحمة الله وبركاتة

هعرض معاكم النهاردة مجموعة بسيطة من شنط الاطفال

مصنوعة من انواع خرز مختلفه

فيه المدور الصغير 

وفيه المدور الوسط

وفيه الخرز السداسي

يارب يعجبوكوا

سعر اي شنطة 35 جنيه مصري